அரசு ஊழியர்களுக்கு பறந்த உத்தரவு - தமிழக அரசு கிடுக்கிப்பிடி!
அரசு ஊழியர்களுக்கு பறந்த உத்தரவு - தமிழக அரசு கிடுக்கிப்பிடி!
தமிழகத்தில், கடந்த சில நாட்களாக, கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வருகிறது. தலைநகர் சென்னை, கோவை, திருவள்ளூர், காஞ்சிபுரம், செங்கல்பட்டு உள்ளிட்ட மாவட்டங்களில், கொரோனா பரவல் மீண்டும் வேகம் எடுத்துள்ளது.
இதை அடுத்து, பொது மக்கள் பொது இடங்களில் கட்டாயம் முகக் கவசம் அணிய வேண்டும் என்றும், இதை மீறுவோருக்கு அபராதம் விதிக்கப்படும் என்றும் தமிழக சுகாதாரத் துறை எச்சரிக்கை விடுத்துள்ளது. நாளுக்கு நாள் கொரோனா பரவல் அதிகரித்து வருவதால், மீண்டும் கொரோனா கட்டுப்பாடுகள் அமலாகுமா என்ற அச்சத்தில் பொது மக்கள் உள்ளனர்.
இந்நிலையில், கொரோனா தடுப்பு நடவடிக்கைகளை தீவிரப்படுத்தும்படி, அனைத்து மாவட்ட ஆட்சியர்களுக்கு, தமிழக சுகாதாரத் துறை முதன்மை செயலாளர் ராதாகிருஷ்ணன் அனுப்பி உள்ள சுற்றறிக்கையில் தெரிவிக்கப்பட்டு உள்ளதாவது:
தற்காலிக ஆசிரியர் நியமனம்: விஜயகாந்த கண்டனம்!
தமிழகத்தில் கடந்த சில நாட்களாக கொரோனா பரவல் வேகம் எடுத்துள்ளது. கடந்த ஏப்ரல் மாதம் இரண்டாவது வாரத்தில், 20 ஆக இருந்த தினசரி பாதிப்பு எண்ணிக்கை, தற்போது, 1,400 ஆக அதிகரித்துள்ளது. கொரோனா பரவலுக்கு, பிஏ 5 வகை கொரோனா தொற்று காரணம் என கண்டறியப்பட்டு உள்ளது.
முகக்கவசம் அணிதல், சமூக இடைவெளியை கடைபிடித்தல், கொரோனா தடுப்பூசி போடுதல் ஆகியவற்றின் மூலம் கொரோனா பரவலைக் கட்டுப்படுத்தலாம் என மருத்துவ நிபுணர்கள் தெரிவிக்கின்றனர். ஆனால் இத்தகைய தடுப்பு நடவடிக்கைகள் பொது இடங்கள் மற்றும் அலுவலகங்களில், கடைபிடிக்கப்படுவதில்லை என்ற புகார் எழுந்துள்ளது.
எனவே, பொது இடங்கள் மற்றும் அலுவலகங்களில், கொரோனா தடுப்பு நடவடிக்கைகள் முறையாக பின்பற்றப்படுகின்றனவா என்பதை மாவட்ட ஆட்சியர்கள் கண்காணிக்க வேண்டும். சுகாதாரம், வருவாய், காவல் மற்றும் உள்ளூர் நிர்வாகங்களிலும், முறையாக கொரோனா தடுப்பு நடவடிக்கைகள் கடைபிடிக்கப்படுகின்றனவா என்பதை உறுதிப்படுத்த வேண்டும். அலுவலகங்களில் பணிபுரியும் ஊழியர்கள், முழு நேரமும் முகக்கவசம் அணிய வேண்டும். தகுதி உள்ள நபர்களை கண்டறிந்து கொரோனா தடுப்பூசி போடும் பணிகளை துரிதப்படுத்த வேண்டும்.
இவ்வாறு அதில் தெரிவிக்கப்பட்டு உள்ளது.
Comments
Post a Comment